Како да се однесуваме во комбинација “Без обврски”?

Понекогаш постојат моменти во нашите животи, кога не сме подготвени за љубов, немаме простор да се посветиме некому целосно и да го примиме во нашиот живот. Се разбира, не збориме за депресивни моменти, само за време кога нам не ни е потребна силна и стабилна врска или пак во моментот не го сакаме тоа. Ова не значи дека треба да се живее во целибат цел живот.

Во продолжение прочитајте кои работи смеете, а кои не смеете да ги правите ако сакате оваа неофицијална комбинација да функционира.

Една од првите работи што не треба да се направат е да се праќаат текстуални пораки или не дај Боже повик одма по синоќешната средба за една ноќ, која се базирала на секс или слично. Ако дечкото/девојката следниот ден ви каже дека дека си поминал/а прекрасно, веднаш ќе и/му ставите во ум дека сакате нешто озбилно.. Потребно е да почекате неколку денови!

Ако веќе не станува збор за некоја сериозна релација нема потреба честа комуникација. Гледањето треба да го одложите, треба да се одвива на неколку денови, недела дена. Исто како и телефонирањето, пишувањето смс пораки и сл. Ако се гледате често може да му дадете лажна надеж на другиот и погрешно да си ги протолкува работите.

Друга важна работа се заборавените работи. Никогаш, ама никогаш не заборавајте ниту мали ситници кај него/неа. Не дозволувајте другиот да остава работи кај вас дома. Затоа што со тек на врме тоа може да прерасне во навика. Вообичаено се започнува со оставање на четка за заби кај вас дома.

Немојте никако да помислувате да купувате подароци. Дури и ако се работи за роденден. Најмногу што можете да направите е да поклоните добро вино или некој друг алкохол со цел да наздравите во име на роднеденот или некој друг повод.