Тој, таа и парите!

Парите се универзален јазик, кој се разбира од сите. И сепак никој не го ставил под знак прашалник фактот што мажот ја плаќа секогаш сметката. Тоа се смета за сосема нормална работа. Обратното иначе се смета за тотална катастрофа. Најчесто на таквиот маж му се додава епитет „скржав“. Но вистината понекогаш е толку провидна, што само слепец не би ја видел.

Маж со златни ланци, скапа и брза кола, дебела сметка. Да плати сметка во ресторан е навистина ситница, но неговото однесување вели – „Толку сум богат што можам да те купам заедно со ресторанот!“ Мислам дека нема потреба од коментар. На дамата одавна и е јасно тоа и веќе одавна си ставила цена.

Жените реагираат на скапите подароци и потрошените пари за нив  не многу различно. Понекогаш си мислат дека колку повеќе пари се фрлаат по нив, толку повеќе вредат. Тоа им ја храни самодовербата, иако улогата на нечија сопственост не е баш толку  привлечна. Се е прашање на проценка. Ваквиот живот изгледа лесен и безгрижен, со една мала ситница – во еден момент скапите играчки здосадуваат и се заменуваат со други.