Човекот што успеа да изгуби 33 милијарди долари за една година

Еике Батиста, бразилски нафташ и тајкун минатата година беше на врвот на светот. Буквално. На листата на Форбс беше на 8-то место од групата најбогати луѓе во светот. Во меѓувреме изгуби над 90% од својот имот.

За само 16 месеци Батиста изгубил 33 милијарди долари бидејќи вредноста на неговиот нафтен конгломерат паднала за 90% и кога биле исплатени сите долгови му останале само 200 милиони.

“Неговиот бизнис модел беше претеран во секоја смисла“, објаснува економскиот аналитичар Лазарини. Тој смета дека Батиста ги преценил своите возможности, а во прилог не му оди и економската ситуација во Бразил која во моментов е во фаза на стагнација.

Батиста го упропастиле големите долгови. “Ќе ги испочитувам своите обврски. Ни еден цент нема да остане неплатен“, ветува Батиста во текстот кој го напишал за Валор Економико.