Во египетска гробница пронајдена најстарата слика на Исус Христос?

Фреските каде е нацртан Исус Христос се наоѓаат во црквите ширум светот и датираат од најразлични периоди. Меѓутоа за сликата со Исус откриена од страна на шпански археолози во Египет, се верува дека е најстарата.
Археолозите во мистериозната египетска гробница во градот Оксиринхус, која е изградена во шестиот или седмиот век, меѓу другото откриле и една слика на која е прикажано момче со виткана коса кое дели благослови.
Шефот на тимот, Хозе Падро смета дека се работи за една од најстарите слики на Исус.
Археолозите требало да отстранат повеќе од 45 тони камен за да можат да влезат во гробницата која се наоѓа на местото каде некогаш се наоѓал древниот египетски град Оксиринхус.