Храна што ја зголемува енергичноста

Храна што ја зголемува енергичноста

Ве фаќа замор на средина на денот? Еве што треба да јадете и пиете.

Се чувствувате млитаво, уморно и ништо не ви се прави? Чувствувате замор на работното место? Не треба да посегнувате по енергетски пијалоци. Пробајте некои од овие намирници и сигурно ќе ве преплави енергија.

Спанаќ

Дали постои нешто што спанаќот не може да го реши? Полн е со хранливи материи – влакна, витамин К (за коските), лутеин (за очите), а некои истражувања покажуваат и дека им помага на мускулите во текот на физички активности. Но во него има и многу железо, што значи дека може да ве „подигне“ кога сте уморни.

Сок од портокал

Витаминот Ц помага во производството на карнитин, чии маснотии ги претвора во енергија. Со чаша цеден портокал, плус доволно овошје и зеленчук (пиперка, брокола, јагоди), ќе бидете полни со енергија.

Банани

Уште една чудотворна намирница што е полна со хранливи материи. Бананата ќе ве снабди со енергија и ќе ви го одржи шеќерот во крвта на стабилно ниво.

Јајца

Протеините од јајцата, посебно оние од белката, ни помагаат да останеме будни и да ја одржиме концентрацијата.

Грчки јогурт

Овој кремаст десерт ќе ви пружи двојно повеќе протеини од обичен јогурт, што ќе помогне во одржување на нивото на енергија.

Киноа

Оваа намирница е занемарена кај нас, а може да се набави во сите продавници за здрава храна. Нејзините сложени јаглени хидрати го одржуваат нивото на шеќер во крвта, што значи дека нема да ви падне нагло енергијата.