Ќерката на Јелена Марјановиќ за прв пат на гробот – Ја бакна плочата и рече „Мамо среќен 8 март“

9 март, 2017
9

Зоран Марјановиќ, сопругот на убиената пејачка Јелена Марјановиќ, ја однесе денеска ќерката Јана да го види местото каде е погребана нејзината мајка.

„Срцето ми се кинеше во моментот додека мојата Јана се доближуваше до мајчиниот гроб. Се трудев да не заплачам, но солзите само почнаа“, вели Зоран Марјановиќ кои на Денот на жената ја однесе ќерка му да го посети гробот на Јелена.

Тој објасни дека денеска е прв пат да ја однел ќерка му, затоа што сакала како и сите деца во градинка на својата мајка да и однесе подарок за Денот на жената.

„Фала драги господе, Јана е силна девојка, а некогаш ми се чини и дека е посилна и од мене. Ми рече само едно нешто: „Тато немој да плачеш, мене ми е уште потешко кога ќе те видам таков“, изјави Зоран.

Додаде дека неговата ќерка не сакала да поставува прашања.

„Се чини дека од тој момент кога ја здогледа сликата на мама, на мермерното срце сватила дека ќе мора и понатаму без неа и дека таа навистина сега е со анѓелите, во налик на оној кој го видела на надгробната плоча. Се приближи до споменикот и додека го бакнуваше, тивко рече: „Мамо среќен 8 март“. Потоа за прв пат запали свеќа.