Со помош на хартија откријте каков тип на кожа имате!
Негата на кожата започнува со правилен избор на производите, оние кои ќе ги исполнат сите потреби на вашата кожа. За да можете да изберете најдобро за вашата кожа и да и обезбедите најдобра нега, важно е да знаете каков тип на кожа имате. Типот на кожата можете одредите едноставно и лесно дома, а ние ќе ви откриеме како.
* Исчистете го лицето со гел, измијте се, па исушете го лицето нежно тапкајќи го со пешкир. Почекајте еден час.
* Обрнете внимание на деловите на кожата каде што чувствувате најмногу затегнување..
* Земете неколку парчиња хартија и притиснете ги на различни подрачја на лицето – носот, брадата, центарот на образите, центарот на челото и надворешните рабови на челото.
* Детално прегледајте го секое парче од хартијата, барајќи ги мрсните или трагите од лупење на кожата.
* Интерпретирајте ги резултатите:
– Доколку марсните траги се видливи на секое парче хартија, тоа значи дека имате мрсна кожа.
– Доколку мрсните траги се видливи само на некои парчиња хартија (Т зоната – центарот на челото, носот, брадата и образите), тогаш имате комбиниран, односно мешовит тип на кожа.
– Доколку на парчињата хартија нема мрсни траги, туку траги на лупење, имате сува кожа. Ако парчињата хартија се потполно чисти, а вие имате чувство на затегнување на кожата на лицето – вашата кожа е сува.
– Доколку на парчињата хартија нема никакви траги, не чувствувате затегнување и кожата изгледа нормално – имате нормален тип на кожа.