Како правилно да нанесете маска за лице?

19 јули, 2018
maska

Пет работи кои ќе ви помогнат максимално да го искористите потенцијалот на маската за лице.

Постојат многу различни маски за лице кои се користат за различни намени. Некои од нив може да се користат секојдневно, но повеќето од нив е доволно да се нанесуваат еднаш неделно. Некои се оставаат во текот на ноќта за да длабински ја нахранат кожата, додека други треба да се отстранат од лицето по пет минути.

Без оглед на видот и целта, постојат пет работи кои ќе ви помогнат да се максимизира потенцијалот на секоја маска.

  • Темелно исчистете го лицето пред да ја нанесете маската за лице, така што саканите состојки ќе можат да допрат до клетките.
  • Масирајте го лицето со топол туфер, бидејќи тоа ќе помогне да се отворат порите.
  • Нанесете ја маската на лицето со помош на четка со меки влакна.
  • Не заборавајте да нанесете маска на вратот.
  • Краставиците на очи не се клише, тие навистина ја хидрираат површината околу очите, која е покриена со тенка кожа.

Не заборавајте дека вистинското време да се стави маска е во вечерните часови, кога циркулацијата во телото е најактивна, а кожата е подготвена за хранливите состојки.

Експертите ве советуваат да не ставате маска по 22 часот, бидејќи тогаш кожата има помала активност, особено не во утринските часови кога метаболизмот на кожата е најбавен.