Мајли е минато: Лиам Хемсворт е повторно вљубен

Која е новата симпатија на актерот?

И додека Мајли Сајрус започна романса со пејачот Коди Симпсон, Лиам Хемсворт се чини дека не гледа далеку од дома. Актерот, според американските и австралиските медиуми, започнал љубовна врска со својата сонародничка од Австралија.

Во четвртокот, 10 октомври, 29-годишниот актер беше забележан во Њујорк како шета рака под рака со актерката Медисон Браун.

За време на нивниот излет во градското подрачје West Village, тие биле забележани од американскиот портал ТМZ. Двојката беше забележана пред да заминат да уживаат во оброкот пред италијанскиот ресторан Сант Амброус. 22-годишната актерка е најпозната по улогата во телевизиската серија Dynasty и серијалот The Kettering Incident.