Серена Вилијамс откри нови детали за кралското бебе

Американската тенисерка Серена Вилијамс, која е долгогодишна пријателка на Војвотката од Сасекс, Меган Маркл, сопруга на британскиот принц Хари, конечно откри некои нови детали во врска со полот на кралското бебе кое го очекува нејзината пријателка. Во интервју за „Е! News“, на познатата тенисерка и поставија прашање дали Меган Маркл ќе биде добра мајка, и оттаму, извлекоа повеќе информации. „Таа ќе биде најдобрата мајка, со сигурност“, рече Вилијамс.

Серена во интервјуто јасно зборуваше за бебето во женски род, и се разбира, фановите на кралското семејство веднаш се дигнаа на нозе, бидејќи иако со денови се зборува дека ќе роди момче, според интервјуто на Серена, Меган ќе роди девојче, објави порталот.