Познатиот Versace фустан 25 години подоцна: Еlizabeth Hurley го оживеа славниот момент од црвениот тепих

Поминаа 25 години откако Еlizabeth Hurley се појави на лондонската премиера, на сега веќе култната романтична комедија „Four Weddings аnd а Funeral“, рака под рака со тогашниот свршеник Hugh Grant.

Харли, којa беше продуцент на филмот, го украде шоуто на црвениот тепих во провокативен црн Versace фустан со златни токи.

Една четвртина век подоцна, за оваа креација сѐ уште се зборува, поради што англиската актерка неодамна се фотографираше за британското издание на списанието „Harper’s Bazaar“ во сличен фустан.

Во разговор за престижното списание, Лиз откри дека во 1994. година, таа никогаш не сонувала за тоа колкава популарност ќе и донесе фустанот на Versacе, ниту какво влијание ќе има врз модната индустрија.

Актерката, која дотогаш беше релативно позната, го привлече вниманието на светската јавност и нејзината актерска кариера почна да се искачува во нагорна линија.