(ВИДЕО) Погледнете ја оваа Опел легенда во акција: Кадет против Ауди R8 и RS6

10 август, 2020
опел

ГОЛФ 2 GTI и Кадет GSI добиле пеколни верзии на сила од преку илјада коњи, а сега им се придружува уште една легенда!

Малку подзаборавениот Кадет, се вратил на насловните страни кога бил претставен тунираниот примерок од дури 1250 КС кој во трките на забрзување редовно го земал местото на најжесток болид.

Примерокот во продолжение е вистински драгоцен камен. Иако има поскромен погон од 730 КС, овој Кадет привлекува внимание како ултимативен “sleeper”. Надворешноста е подеднакво заборавена класика, а дури и браниците се оригинални во нелакирано издание.

Сето тоа воопшто не го спречува да застане на линија заедно со болидот на Ауди, па дури и со БМВ М3. Сите тие можат да стигнат до 100 км/ч за помалку од 4 секунди, а вие во видеото погледнете дали истото го може и Опел.