Напуштени воени бункери: Скриено место кое ви дава најдобар поглед на Барселона!

Ова одлично место за вечерно дружење со пиво и гитара е на половина час пешачење од метро станицата, а во текот на денот нема гужва, а погледот е нереален…

Ако сте во потрага по најдобриот поглед на Барселона, веќе не треба да барате, туку бидете подготвени да пешачите до Бункерс дел Кармел. Од тука, можете да го видите градот од поглед на птица, да видите неверојатно зајдисонце (или изгрејсонце) или да запознаете нова екипа – затоа што бункерите се хит место да се дружите со пиво, гитара и мали закуски.

Неверојатно е, но точно е дека не многу локални жители знаат за тоа место, така што сè уште нема гужва. Повеќето луѓе почнуваат да се собираат околу шест навечер, па ако сакате да ја апсорбирате природата во осаменост, најдобро е да дојдете рано.

Потребни се околу половина час за да стигнете до бункерот од метро станицата Алфонс Х. Патеката е со умерена стрмнина, не е многу лоша, но бидете подготвени дека малку ќе се уморите до врвот.
Бункерите биле изградени за време на граѓанската војна во Шпанија во 1937 година и биле користени за воздушна одбрана. По завршувањето на војната, шпанците го отстраниле оружјето и бункерите биле оставени. Сепак, панорамскиот поглед беше преубав за да биде игнориран засекогаш, па градските власти решија да постават видиковец пред 20 години.