3 предлози за феноменално велигденско предјадење

Ви пренесуваме три од најсовремените предјадења, со сигурност да изберете барем еден.

Полнети јајца

Состојки:

• 150 гр меко сирење
• 8 јајца
• 50 гр пченица бела
• 80 гр кисели краставички
• 100 гр мајонез
• 200 гр сенф
• сол
• бибер
• лисја од магдонос
• целер
• зелена салата

Подготовка:

Сварете ја пченицата во вода и оставете да се излади, а потоа исецете ја и исушете ја на платнена крпа. Сварете ги јајцата, исечете ги по должина и извадете ја жолчката.

Жолчките од јајцата помешајте ги заедно со кисели краставички, варена пченица и додадете лисја од магдонос и целер.

Додадете сенф и мајонез, па добро измешајте ги и наполнете ги половините од јајцата.

Полнетите јајца послушете ги на овален сад покриен со зелена салата, украсете по желба и сервирајте.

Солени бајадери

Состојќи:

• 500 гр пилешко бело месо
• 300 гр шунка
• 300 гр кашкавал
• 200 гр маринирани печурки
• 5 јајца
• 200 гр павлака
• 1 лажица масло
• 2 лажици брашно
• 10 гр прашок за пециво
• мешавина од зачини

Подготовка:

Месото сварете го во солена вода, исцедете, оставете да се излади и ситно исецкајте го. Исечете ја шунката, изрендајте го кашкавалот на крупно ренде и исечете ги печурките на парчиња.

Подмачкајте ја тавата за печење со големина приближно 30x20cm и посипете со брашно. Покријте го дното на тавата со вареното исецкано месо, а потоа ставете ги печурките, шунката и на крај ренданиот кашкавал.

Изматете ги јајцата и павлаката, додајте лажица брашно, прашок за пециво и зачинете по вкус.

Истурете ја изматената смеса над содржината во тавата. Одозгора ставете алуминиумска фолија.

Печете во загреана рерна на 200 ° C околу половина час, а потоа извадете ја фолијата и печете уште 15 минути. Оставете да се излади целосно, може и во фрижидер, за да може полесно да се исечат парчиња.

Шпанска салата

Состојки:

• 1 чаша кафеав ориз (може и бел)
• 4 тиквички, сецкани
• 2 главици кромид, сецкани
• 1 целер стап, сецкан
• 2 свежи домати
• 1 чаша зелени полнети маслинки
• 4 лажици маслиново масло
• 1 лажица сок од лимон
• 1 лажичка свеж босилек
• ¼ лажички суво оригано

Подготовка:

Сварете го оризот и оставете да се излади. Направете прелив од три лажички масло, сок од лимон и зачини. Пропржете го кромидот во остатокот од маслото и додајте го целерот, доматите и зелените маслинки кога кромидот ќе омекне.

Оставете го зеленчукот да се олади, а потоа измешајте го со оризот и посипете го со преливот. Добро измешајте и сервирајте.