6 намирници што мажите треба да ги јадат за здрав и долг живот

Диетата фокусирана на месото и компирот не е најдобриот начин да останете здрави и силни, иако овие намирници за мажи можат да бидат дел од здравата исхрана.

Многу мажи имаат тенденција да јадат претежно протеинска храна и да посветуваат помалку внимание на зеленчукот и храната богата со растителни влакна.

Но, за да одржат добро здравје, на мажите им треба повеќе од протеини; им треба најмалку две и пол чаши зеленчук, две чаши овошје и 30 до 38 грама влакна на ден.

Водејќи се од овие упатства, порталот „Денес“ издвои дел од храната што е особено препорачлива за мажите за здрав и долг живот.

Боровинки

Без разлика дали се свежи или замрзнати, боровинките содржат моќни антиоксиданти кои помагаат во борбата против оштетувањето на ДНК што придонесува за карцином.

Покрај тоа, боровинките е најдобрата храна за зачувување на меморијата и можноста за мисловната функција со текот на годините. Покрај тоа, чаша боровинки содржи околу 4 грама есенцијални влакна.

Лосос

Омега-3 во лососот помага во намалување на ризикот од срцеви заболувања, водечки убиец на мажи во Америка, според Центрите за контрола на болести (ЦДЦ). Лососот и другите видови морска храна се исто така богати со протеини.

Со конзумирање на морска храна двапати неделно, ќе спречите прекумерна потрошувачка на други видови помалку здрави протеини, како што е црвеното месо и преработеното месо.

Спанаќ

Целиот зеленчук е добар за вас, но спанаќот има поблаг вкус од многу други слични сорти, што може да го направи попривлечен за оние кои не сакаат силен или горчлив вкус. Исто така, богат е со каротеноиди, вклучувајќи бета-каротин, лутеин и зеаксантин.

Лабораториските студии сугерираат дека овие соединенија можат да го намалат развојот и прогресијата на разни видови тумори.

Лутеин и зеаксантин исто така играат улога во заштитата на вашиот вид од сино светло – еден вид на светлина што се емитува од дигитални уреди како што се вашиот мобилен телефон и таблет.

Покрај тоа, во студијата спроведена кај постарите лица, учесниците кои јаделе по една порција спанаќ на ден, покажале помалку когнитивен пад од оние што избегнувале зелен зеленчук.

Ореви

Додавањето неколку ореви во вашата дневна исхрана може да го подобри вашиот сексуален живот, тврдат шпанските истражувачи.

Покрај подобар оргазам и посилен сексуален нагон, откриено е дека конзумирањето на ореви го подобрува квалитетот на спермата, што може да доведе до подобра плодност.

Авокадо

Иако е богато со маснотии и калории, авокадото може да ви помогне да ја контролирате вашата тежина.

Според една неодамнешна студија, оние кои редовно консумирале авокадо се здобиле со значително помала тежина во период од 11 години во споредба со оние кои избегнувале авокадо.

Обичен грчки јогурт

Студијата која следеше повеќе од 180.000 луѓе над 20 до 30 години откри дека оние кои пиеле јогурт редовно имаат 16% помал ризик од висок крвен притисок во споредба со оние кои пиеле јогурт помалку од еднаш месечно.