Идеален есенски ручек! ПИЛЕШКО во ароматичен сос од ДУЊА! (РЕЦЕПТ)
Израдувајте ги домашните
Состојки:
10 пилешки батаци
2 дуњи
2 главици кромид
Корен од ѓумбир 2см
Прстофат шафран
1 лажичка лута пиперка
0,5дл пилешка супа
50гр путер
100гр суво грозје
2 лажици маслиново масло
2 лажици жолт шеќер
Сол, бибер
Подготовка:
Зачинете ги батаците со сол и бибер од сите страни, а потоа динстајте ги во путер на средна температура. Повремено свртете ги, кога кожата ќе добие златна боја, истурете чаша супа, додадете ѓумбир, крупно исечен кромид, семе од коријандер и лута пиперка. Нека врие уште 10 минути, а потоа истурете го остатокот од супата. Излупете дуња и исечете ја на парчиња или коцки, па пржете ги на маслиново масло со суво грозје, цимет и шеќер неколку минути, доколку е потребно додадете малку путер. Кога течноста во која батаците се крчкаат речиси испари, истурете ги дуњата и суво грозје, додадете шафран, сол и бибер. Нека врие уште 10 минути.
Пријатно!