Италијански специјалитет – Стромболи: Затворена пица која е 100 пати повкусна од обичната! (РЕЦЕПТ)

Стромболи на повеќето им е познат како италијански остров со активен вулкан, но зад тоа име се крие затворена пица! Легендата вели дека потекнува од американските ресторани на италијански мигранти кои не го именувале според островот, туку по филмот на Роберт Роселини од 1950 година „Стромболи“.

Во ова вкусно тесто, задолжително ставете сирење со сува салама или колбас по желба, а резултатот е вкусно јадење што можеби ќе ви се допадне повеќе од вистинска пица.

Состојки:

Тесто за пица

200мл пасирани домати

Моцарела исечена на тенки листови

Изрендано гауда сирење по желба

200гр шунка (во листови)

100гр сува салама по избор

1 мала лажичка сушено оригано

Малку сув босилек

1 мало јајце и 2 лажици млеко за премачкување

Подготовка:

1. Додадете оригано и босилек во доматот, додадете други зачини што ги сакате по желба и измешајте.

2. Расукајте го тестото за пица и премачкајте го со доматите. Бидете внимателни да не го премачкате тестото и да не го исполнувате сè до рабовите, оставете ги празни за да можете полесно да го завиткате тестото на крајот. Потоа посипете половина од ренданата гауда преку тестото и рамномерно распоредете ја шунката. Наредете половина од моцарелата на шунка, па наредете ја сувата салама. Завршете ги редење на слоевите со остатокот од моцарела и гауда.

3. Цврсто завиткајте го тестото во ролна, и исправете ги празните рабови добро со прстите и малку подвиткајте под ролатот. Внимателно префрлете го во плех обложен со хартија за печење.

4. Загрејте ја рерната на 200 степени. Изматете го јајцето, додадете млеко, па измешајте добро и премачкајте го целиот ролат. Ставете го во загреана рерна и печете околу 20 минути, додека тестото не добие златножолта боја.

Пријатно!