ВКУСЕТЕ ГО ‘DJEJ MISWE’: Либанско пиле на скара!

Дали некогаш ви се случило да подготвите различно јадење за неделниот ручек од оние што вообичаено ги правите? Пробајте го специјалитетот на либанската кујна, лесен и здрав.

Познато е дека како и секоја друга арапска кујна, и во либанската кујна има многу зеленчук, но и месо.

Пилешко на скара е традиционално либанско јадење кое најмногу го прават либански домаќинки. Рецептот е многу едноставен, а тајната е во маринадата во која е ставено пилешкото.

Прочитајте го рецептот и уживајте во секој залак од ова јадење!

Состојки:

• 6 парчиња пилешко (по можност гради или нозе, со кожа)
• ½ чаша сок од лимон
• 1 чаша јаболков оцет
• 1 чешне лук
• ¾ чаша маслиново масло
• 2 лажички сол
• 1 лажица мешавина од арапски зачини (ако немате заменете со Вегета)
• 1 лажичка мелен цимет

Подготовка:

Маринада:

1. Посипете ја преку сировото пилешко, а потоа тријте цимет со половина чаша јаболков оцет неколку минути. Потоа исплакнете со ладна вода. Ова се прави за да се отстрани мирисот на пилешкото. Исечете го пилешкото на неколку места, така што марината да може да влезе во секоја пора на месото.

2. Земете мешалка во која ќе мелете лук со сок од лимон, јаболков оцет, сол и мешавина од арапски зачини за три или четири минути (ако немате, земете Вегета). Кога е готово, додадете маслиново масло и вклучете го блендерот уште една минута.

3. Ставете го пилешкото во сад, додадете неколку парчиња лимон (со кора), истурете ја марината и оставете ја да отстои преку ноќ. Колку подолго месото е во маринадата, толку повеќе ќе има вкус. Штом пилешкото се зацврсти, подготвено е да се пече. Но, не фрлајте ја марината, бидејќи ќе ви треба подоцна.

Пилешкото може да го испечете на скара или на тава за скара на среден оган 20 до 25 минути. Секој пат кога ќе го превртите, премачкајте го со остатокот од маринадата за да го направи месото уште подобро.

Послужете го со ориз, сос од лук и салата.