Лекари и сестри се заразиле со Ковид-19 од пациент кој бил негативен

13 мај, 2020
ковид

Во една атинска болница се појавил необичен случај на ширење на зараза со Ковид-19, а сè почнало од пациент кој прво бил негативен на тестот на коронавирус.

Подоцна се утрврдило дека пациентот бил позитивен, но се изгубило драгоцено време, па двајца лекари и една медицинска сестра веќе биле заразени, а 25 вработени и пациенти се ставени во карантин.

Пациентот бил примен во болницата со симптоми на Ковид-19 и по направеното тестирање се покажало дека е негативен, па бил пренесен на друго одделение каде што се лекувал од други здравствени проблеми. По неколку денови тој развил дополнителни симптоми на Ковид-19, па вториот тест му бил позитивен. Во меѓувреме се заразиле дел од персоналот и пациентите кои биле во иста соба со болниот.

Целата клиника е ставена под карантин.