Принцот Хари испрати видео порака од својот дом во Америка: Она што тој го кажа е многу важно во овој момент! (видео)

Принцот испрати видео порака до јавноста за време на пандемијата на корона вирусот.

Принцот Хари (35) испрати видео порака од неговиот нов дом во Лос Анџелес за да го означи отворањето на Меѓународните воени параолимписки игри во 2020 година, што требаше да се одржи оваа недела.

Во својата видео порака, тој призна дека неговиот живот драстично се променил откако тој и неговата сопруга Меган Маркл започнале да живеат независно во Америка.

„Здраво на сите. Додека оваа недела им оддаваме почит на жртвите од Втората светска војна, требаше да се собереме во Холандија за параолимписките игри. Но, откако јас бев последен пат во Хаг, нашите животи се сменија драстично, а многу други настани низ целиот свет се одложени. Наскоро ќе бидат објавени нови датуми “, рече Хари, сакајќи на сите да им даде малку утеха и да ги охрабри луѓето во овој тежок период за време на пандемијата со корона вирусот.

„Се надевам дека вашите семејства се добро. Слушнав неверојатни приказни за тоа како семејствата се собираат преку Интернет. Бидете внимателни, помислете на оние што заминале“, додаде тој.

Принцот, исто така, ја искористи можноста да им се заблагодари на сите што ги поддржаа во одлуката да ги напуштат кралските должности.