Рано е за отворање на границите: Франција, Австрија и Швајцарија и понатаму затворени за Италија и Шпанија!

14 мај, 2020
граници

Франција, Австрија и Швајцарија оцениле дека сè уште е рано за отворање на границите со Италија и Шпанија, најпогодените земји од Ковид-19.

Во делови од Италија и Шпанија има забрана за движење и внатре во земјата, така што границите за патниците од странство ќе бидат затворени уште некое време.

Одлуките за отворање на границите ќе бидат донесени во зависност од епидемиолошките податоци.

Во Европа за сега е во план постепено отворање на границите меѓу соседните земји како Австрија со Чешка, Словачка и Германија, како и Србија со БиХ, Македонија, Албанија и Црна Гора.

Германија од 16 мај ќе ги отвори границите со Луксембург, а потоа и со Данска.