ИДЕНТИФИКУВАНИ вооружените полицајци што ја чуваат Белата Куќа во Вашингтон (видео)

5 јуни, 2020
свет

Безбедносните сили беа распоредени во близина на Белата куќа во Вашингтон во претходните денови, без никакви ознаки за идентификација. Ова дополнително предизвика нервоза и негодување кај демонстрантите кои протестираат поради убиството на Афроамериканецот Џорџ Флојд.

На социјалните мрежи се појавија фотографии од вооружени групи без ознаки за идентификација и тие не сакаа да им кажат на граѓаните или на новинарите во која државна агенција работат.

Поединци исто така напишале дека тие изгледале како вооружени „платеници“, а не како вработени во владата. Еден Американец рече дека се чувствува како главниот град на САД да е „под некаква воена окупација“.

Некои од вооружените лица рекоа дека се од „одделот за правда“.

Се покажа дека некои од нив биле затворски полицајци испратени од Федералното биро за затворски услуги на барање на јавниот обвинител Вилијам Бар. Во соопштението се вели дека полицајците не биле обележани затоа што „служат поширока мисија“.

Демонстрантите кои протестираат против полициската бруталност се загрижени дека доколку некој од неименуваните полицајци повреди некого или стори друго кривично дело, нема да има начин да се идентификуваат.

Демонстрантите кои протестираат против полициската бруталност се загрижени дека доколку некој од неименуваните полицајци повреди некого или стори друго кривично дело, нема да има начин да бидат идентификувани.