Вест која се чекаше два месеци: Во Италија, бројот на жртви падна под 200
Најновите информации од земјата која е една од најтешко погодените од епидемијата на корона вирусот.
Во последните 24 часа во Италија, починаа 153 лица од ковид-19, а тоа е најмал број на жртви од 9 март, соопшти Агенцијата за цивилна заштита.
Сепак, бројот на пациенти, 875, се зголеми од вчера, кога беа заразени 789 лица.
Вкупниот број на смртни случаи откако е програсена пандемија на 21 февруари е скоро 32.000, така што Италија е на третото место во светот по бројот на жртви на коронавирусот, по Соединетите држави и Велика Британија, пренесува Ројтерс.
Постојат повеќе од 224.000 потврдени случаи, со што Италија е петта најзаразена во светот, по САД, Шпанија, Велика Британија и Русија.
Денес 775 пациенти се на интензивна нега, триесет и три помалку од вчера. Од сите пациенти пријавени дека имаат коронавирус, досега се опоравиле 122.810.
Тестирани се 1.900.000 луѓе од 60 милиони што живеат во Италија.