„Цела соблекувална се забавуваше со тебе!“- Тој е веќе осми кошаркар на листата со кого ја поврзуваат

Иако нивната љубовна врска сè уште не е официјално потврдена во јавноста, еден од најплатените модели на денешницата, 24-годишната Кендал Џенери и една година помладата ѕвезда на кошарката Девин Букер, веќе не се кријат. Пред неколку дена, фоторепортерите ги фотографираа додека заедно го напуштија популарниот ресторан „Нобу“ во Малибу.

Двојката веќе некое време јавно ги коментира фотографиите на Инстаграм, а извори блиски до моделот тврдат дека може да се видат како шетаат скоро секое утро. Иако Кендал досега не ги потврдувала љубовните врски, факт е дека таа е видена многу пати во друштво на млади кошаркари. Покрај тоа, таа е чест гостин на НБА натпреварите, па некои нејзини следбеници коментираат дека познатата богата жена сака само кошаркар како партнер. „Цела соблекувална се забавуваше со тебе. Не знам како не се срамиш да одиш од еднен на друг. Мислев дека Девин е попаметен и ќе направи подобар избор, но се чини дека не е така. Познато е дека многу кошаркари сакаат да го освојат тоа“, е само еден од навредливите коментари.