Ценовник на познатите: Колку заработуваат домашните, а колку странските познати личности за ЕДНА објава на Инстаграм

Поп-sвездата Аријана Гранде годинава стана најследената и најплатената женска јавна личност на Инстаграм. Имајќи предвид дека 200 милиони луѓе ја следат на оваа социјална мрежа, американските медиуми проценуваат дека Аријана собира милиони реклами што ги објавува на својот фид, а нејзините стапки ги следат Селена Гомез и Кајли Џенер, додека пред неа е само фудбалерот Кристијано Роналдо. Домашните јавни личности не се ни приближно до такви  милионски прегледи, но и на нив голем број следбеници им обезбедуваат големи суми пари.

Со цел да утврдиме колку заработува една личност од Инстаграм, разгледавме колку често некое лице објавува содржина на оваа социјална мрежа и колку следбеници има. Потоа списокот се формира врз основа на проценки. Инфлуенсерите се категоризираат во осум групи: познати личности, убавина, мода, фитнес, храна, начин на живот, спорт и патувања.

И додека Кајли Џенер заработува до 1.266.000 американски долари по објава, Аријана Гранде по објава заработува „само“ околу 996.000 долари. Кога станува збор за домашните јавни личности, проценките се различни и не може со сигурност да се каже колку пари добиваат од спонзорите.

Сепак, сигурно е дека голем извор на приход, исто како и странците, имаат од социјалните мрежи и Инстаграм.

Според некои претходни наводи, цените по објавувањето, не само на домашните јавни личности, се приближно вакви.

3.000 – 10.000 следбеници = 75 – 150 евра по објава,

10 000 – 25 000 следбеници = 150 – 220 евра по објава,

25.000 – 50.000 следбеници = 220 – 350 евра по објава,

50 000 – 100 000 следбеници = 350 – 500 евра по објава,

100 000 или повеќе следбеници = повеќе од 500 евра по објава.

Сепак, оние креатори на содржини чии профили ги следат повеќе од 100.000 или повеќе луѓе, имаат можност да заработат дури и повеќе од тоа, напиша претходно Indipendent.

Благодарение на „инфлуенсерите“ – кои исто така можат да бидат актери, пејачи или нешто слично, брендовите се во можност да достигнат 20 пати повеќе потрошувачи благодарение на фактот што тие сега плаќаат поголем број свои амбасадори со износите што некогаш ги трошеле на само еден.