Амбициозната глумица Џенифер Гарнер недостатокот од снимања и нови деловни проекти го искористи за нови вештини. Освен што специјализираше во кујната за слатки, сега покажа дека е добра и во градинарството
Во најновата објава на инстаграм која ги развесели нејзините фанови, американската глумица Џенифер Гарнер се пофали со својот најнов успех. На светот му покажа дел од својата градина во Калифорнија која се наоѓа во склоп на семејната куќа во која живее со трите деца од бракот со Бен Афлек.
Грижливата мајка во последните месеци се посвети на домаќинството и грижата околу своите деца, а деловните потфати ги стави на страна со оглед на тоа дека снимањата и онака се откажани поради вирусот.
Недостатокот од филмови, Гарнер го искористи за совладување на некои нови вештини, а од кои градинарството очигледно највеќе и лежи.
Се сними покрај сончогледите кои моментално цветаат, а се со огромни димензии. Нејзините цветови пораснаа над 2 метри, а симпатичната глумица едвај се гледаше низ нив.
Холивудската глумица на многу духовит начин ги покажува своите анегдоти од домот, кога ги работу кујнските работи. Некои и паѓаат потешко, а во други видно ужива.
