Кралот на романтичните комедии за улогите што го прославија: „Би сакал да снимам продолженија, само за да покажам дека сè е една голема лага!“

3 ноември, 2020
o_15184518_1024

Кралот на романтичните комедии и олицетворение на британскиот шарм, Хју Грант (60), во неодамнешното интервју за Колидер даде еден сосема неочекуван преглед на улогите што го направија славен.

За време на промоцијата на серијата на HBO  „The Undoing“ во која тој глумеше со Никол Кидман, Грант се осврна на претходните улоги во романтични комедии. Од „Четири венчавки и погреб“ до „За твоите сини очи“ до суперпопуларниот „Нотинг Хил“, Грант редовно играше улога на збунет, симпатичен Британец кој некако успева да ја фати девојката од своите соништа на најбајковит можен начин и да живеат среќно засекогаш.

Па, „Две недели за љубов“ во кој тој глуми со Сандра Булок, „Љубов, всушност“ и „Дневникот на Бриџит Џонс“ одат во таа насока. Серијата турбо романса сепак заврши кога Грант се појави во „Господа“ на Гај Ричи оваа година.

И дека неговата улога во новата серија е многу поблиска, потврди тој во едно интервју. Во истото тој призна дека би сакал да снима продолженија на некои од филмовите што го направија славен, но само за да докаже дека сè е комплетно – лага.

– Сигурен сум дека мојот и ликот на Џулија поминаа низ најлош можен развод што можете да го замислите, со скапи и корумпирани адвокати. Сите мои врски во филмовите беа всушност катастрофа, а романтичните комедии како жанр се само една голема лага “, рече Грант во едно интервју коментирајќи за „Нотинг Хил“.

– Би сакал да снимам продолженија на моите успешни романтични комедии кои ќе го демистифицираат и срушат жанрот. Да им покажам на луѓето како завршуваат овие ликови, мислам дека е брилијантна идеја – додаде тој.