Необјавената „Божиќна песна“ на Влатко Илиевски ќе ви го разгали срцето

17 декември, 2020
Необјавената „Божиќна песна“ на Влатко Илиевски ќе ви го разгали срцето

Денеска на радио станиците низ Македонија премиерно ќе биде пуштена „Божиќна песна“, која досега не е објавена, а е во изведба на покојниот Влатко Илиевски и детскиот хор „Златно славејче“.

Се работи за стара детска песна, чија музика и аранжман се на Кире Костов, текстот на Љупчо Јакимовски, а новата верзија е снимена во студиото „Торус“ на Александар Митевски.

Нашата музичка ѕвезда, која нѐ напушти пред две години, остави многу хитови зад себе, но и нови песни, кои, за жал, не стигна да им ги претстави на своите многубројни обожаватели во земјата и надвор од неа.

Хитовите на Илиевски може да се слушнат и на неговиот Јутјуб канал, а во подготовка е и монографија за него. Во план е и организирање концерти „Пријателите за Влатко“, но поради пандемијата на коронавирусот, тие ќе почекаат подобри денови.