Оливија Њутн Џон откри зошто не играла со Џон Траволта во продолжението на „Брилијантин“

Австралиската ѕвезда ја играше Сенди Олсон во мјузиклот од 1978 година за тинејџери вклучени во подеми и падови на романса во средно училиште. Филмот, во кој Џон Траволта го играше „лошото момче“ Дени Зак, донесе неверојатни 160 милиони долари само во првата година. Њутн-Џон, која неодамна го прослави својот 72 роденден, откри неочекувана причина зошто никогаш не учествувала во продолжението.

Брилијантен едноставно го освои светот. За време на првиот викенд во кината, тој заработи 9,3 милиони американски долари, а во првата година беа продадени 13 милиони албуми со филмска музика. Дури четири песни беа на списокот на Билборд со топ 10 синглови. Филмот заработи скоро 400 милиони долари вкупно (чини „само“ 6 милиони долари) и е адаптиран во повеќе од 123 000 сценски музички продукции ширум светот.

И покрај несомнениот успех, многу очекуваниот „Брилијантин 2“ беше пречекан со нож од критичарите, а публиката го кажа своето бидејќи филмот едвај ги врати вложените средства. На прашањето што мисли за продолжението од 1982 година, Оливија Њутм Џон се намурти и рече:

• Ништо!

Таа се присети на својата средба со тимот „Брилијантин 2“ во интервју во емисијата.

• Се сеќавам само дека тие нè прашаа, или поточно понудија да снимат продолжение, а потоа тоа едноставно не се случи. Ние дури и не започнавме со преговори, а тие се свртеа кон другите актери и го сторија тоа со нив – кажа Њутн Џон.

Актерката сподели и неколку убави спомени од „Брилијантин“:

• Сите бевме во доцните 20-ти и 30-ти, но се чувствувавме како тинејџери. Мислам дека целата работа беше многу забавна од почеток до крај. Имавме одлична енергија.

Во искрена исповед во 2012 година, Њутн Џон призна дека дел од нивниот успех во филмот е што таа и Траволта „се вљубиле едни во други“.

Таа се сети и на нивниот прв состанок, кога тој ја посетил во нејзината куќа во Малибу за да ја убеди на аудиција за улогата на Сенди.

• Ги имаше тие светлосини очи, кои ги има и денес, и веднаш ме „зароби“. Тој беше толку убав, а јас бев многу нервозна кога го снимав филмот. Тој ме убеди да направам тест-снимање, што и го направив. Излезе одлично, а останатото е познато – рече Оливија Њутн-Џон.