По 3 години чекање, конечно пристигнува новиот албум на Кети Пери

Поп-ѕвездата Кети Пери го најави својот нов албум „Smile“, кој премиерно ќе биде објавен на 14 август годинава. Исто така, тоа ќе биде нејзин прв албум од објавувањето на „Witness“ што го издаде во 2017 година.

Пејачката претходно го објави својот деби-сингл „Daises“, а неодамна ја објави и насловната нумера „Smile“ заедно со перформанс видео. Говорејќи за албумот и за насловната песна, Кејти изјави дека песната е компонирана во „многу тежок период од нејзиниот живот“.

„Ја напишав насловната песна на албумот кога минував низ еден од најтемните периоди од мојот живот и кога ја изгубив насмевката. Целиот албум е мое патување кон светлината – приказни за отпор, надеж и љубов “, напиша пејачката на Инстаграм.