Помина половина век од смртта на легендарната Џенис Џоплин

11 октомври, 2020
profimedia-0501545592


Пејачката Џенис Џоплин почина пред 50 години на 27-годишна возраст, но нејзините песни го надминуваат времето.

Познавачите на нејзината музика веруваат дека нејзиното трајно влијание и популарност може да се припише на нејзините сурови, оригинални и бестрашни настапи. Џенис Лин Џоплин е родена на 19 јануари 1943 година во малото гратче Порт Артур, Тексас и почина во хотелска соба во Лос Анџелес како резултат на предозирање со хероин на 4 октомври 1970 година. Таа беше американска пејачка на рок и блуз, текстопис и аранжер на музика. Под влијание на уметници како Беси Смит, Отис Ридинг, Били Холидеј, Реј Чарлс, Тина Тарнер, Арета Френклин, Џенис поседуваше стил на блуз, фразеологија и мелодија, велат експертите.

Џоплин имаше моќен и заповеднички глас. Во нејзините настапи во живо, таа беше фокусирана и неограничена, покажувајќи широк спектар на препознатливи вокални ритми, заедно со брзото вибрато. Со својот опсег од три октави, таа користеше рапави грчења, и крикови за да изрази сурови емоции.