По предизборниот дебакл, кризата во бракот и јавниот колапс, заработи судски спор од сопствените вработени: Канjе Вест не им исплаќал плата на своите работници

Потроши околу 9 милиони долари на својата кампања за претседател на САД, а за возврат доби околу 60.000 гласови. Тој го призна поразот и најави дека повторно ќе се кандидира на изборите во 2024 година. Во меѓувреме, Канје Вест заработи и судски процес со кој вработените во неговото оперско шоу бараат милион долари, тврдејќи дека тој не им исплаќал плати, прекувремена работа и други поволности. Познатиот рапер и дизајнер, за кого инвестицијата во кампањата и износот на тужбата претставуваат „ситни пари“, имајќи предвид дека неговото богатство се проценува на 1,3 милијарди долари, сè уште не даде коментар за тужбата.

Премиерата на неговата емисија „Kanye West Nebuchadnezzar Opera“ се одржа пред 17.500 гледачи на Hollywood Bowlu минатата година, неколку недели откако го објави албумот „Jesus Is King“. Канје не настапува во операта, но е раскажувач на претстава во која зборува делови од Книгата на пророкот Даниел.

На денот на претседателските избори во САД, Канје се снимаше како го пишува своето име на гласачкото ливче. Тој го проследи тоа со пораката „Бог е толку добар. Денес, за прв пат во мојот живот, гласав за претседател на Соединетите држави и гласав за оној на кој навистина му верувам – за себе“.

И додека е сосема јасно за кого гласаше Канје, не е познато на кого го даде својот глас неговата сопруга, 40-годишната ријалити sвезда Ким Кардашијан. На социјалните мрежи покажа налепница со која потврдува дека гласала, но не одговори на прашањата на следбениците кои сакаа да дознаат дали гласала за нејзиниот сопруг, Доналд Трамп или Џо Бајден.

Канје ја објави својата кандидатура на 4 јули, Денот на американската независност, а говорот на првиот предизборен митинг, одржан во Чарлстон, Јужна Каролина, предизвика гнев, потсмев и загриженост за неговото ментално здравје. Тој исто така зборуваше и на митингот за тоа како неговата сопруга, ријалити sвездата Ким Кардашијан, размислувала да го абортира првото од четирите деца, сега веќе шестгодишна Норт, што доведе до голема брачна криза кај славната двојка. Ким наводно се подготвувала за развод, но досега , се чини, нема ништо.