Полицијата ја прекина венчавката на сестрата на славниот пејач! Таа не сакаше да се откаже од бракот по секоја цена
Венчавката на сестрата на Зејн беше прекината од полицијата бидејќи беа прекршени многу заштитни мерки за време на пандемијата на корона вирусот
Венчавката на сестрата на Зејн Малик, Валаја Азад (22), беше прекината од полицијата поради кршење на правилата за време на пандемијата на корона вирусот.
Имено, сестрата на Малик се омажи во саботата наутро и покрај сите забрани и мерки пропишани за време на пандемијата Ковид-19.
Странските медиуми откриваат дека 27-годишниот музичар ја пропуштил венчавката на неговата 22-годишна сестра, која таа ја организирала и покрај тоа што членовите на нејзиното семејство ја советувале поинаку.
Сега е откриено дека забавата со 40 гости била организирана за време на новиот бран на корона вирусот и дека истата ја прекинала полицијата.
Прославата се одржа во куќата на сестрата на Зејн во градот, каде што во моментов им е дозволено да се соберат до 15 лица за време на венчавката, додека другите приеми и настани се целосно забранети.
Странските медиуми пишуваат дека соседите повикале полиција, па полицајците се појавиле на прославата околу 18 часот, каде во тоа време биле казнети голем број луѓе.
Зејн и неговиот татко Јасер ја прескокнаа прославата затоа што се загрижени за криминалното минато на младоженецот.
24-годишниот младоженец Џунаид Кан беше осуден на 5 години затвор во 2017 година за кражба на автомобил од дворот на постара дама.
– Никој не е среќен што се омажи за него после сè што направи. Тој е крадец. Ова не е негово минато – тој штотуку излегол од затвор – изјави извор близок до семејството.