Џастин Бибер на удар на критики поради ОВАА изјава!
Вчера беа објавени номинациите за 63. Греми награди, што ќе се одржат на 31 јануари 2021 година. Меѓу другите, на списокот на номинирани беше и музичарот Џастин Бибер во три категории под поп жанрот. Токму овој жанр му предизвика немир, поради фактот што неговиот албум „Промени“ воопшто не е дел од тој жанр, туку е дел од R&B. Тој одлучи јавно да го сподели своето незадоволство и неговите мисли брзо се најдоа на удар.
Иако тој во изјавата спомена дека не станува збор за неблагодарност за номинациите, на многумина не им се допадна неговото размислување. ‘Не сакам да звучам неблагодарно, но сега размислувам за ова. Земи или остави. Промените отсекогаш биле и ќе бидат R&B албум. За мене е многу чудно што многумина, очигледно, го разбираат поинаку. За да не бидам сфатен погрешно, навистина сакам поп музика, но едноставно тоа не е она на што толку многу работев “, е дел од пораката на Џастин, која беше осудена од некои обожаватели.