ГОЛЕМО СРЦЕ НА АФРИКАНСКИОТ ФУДБАЛ: Дрогба понуди своја болница за борба против вирусот

13 април, 2020
ааа

Поранешниот фудбалер на Челси, Дидије Дрогба, активно се вклучи во борбата против пандемија на корона вирусот во родниот Абиџан, и се гради болница под покровителство на неговата фондација, која им ја понуди на здравствените власти во борбата против Ковид 19.

Како што се наведува, болницата сè уште не е завршена, но може да се искористи за згрижување на пациенти за време на кризата, а од фондацијата соопштија дека, останува на државата да го направи просторот функционален.

Од избувнувањето на пандемијата „Ковид-19“ во Брегот на Слоновата Коска, четири лица починаа, а 533 се заразени.

Дрогба во текот на својата кариера играше за Ле Ман, Марсеј, Челси, Галатасарај, Шангај, Монтреал и Феникс, оставајќи најголема трага во лондонскиот дрес. Тој одигра 340 натпревари и постигна 157 голови за тимот на „Стемфорд Бриџ“, освојувајќи и Лига на шампиони во 2012. година.

Во националниот дрес забелеѓа 105 настапи и 65 постигнати голови.