По повод 45-тиот роденден на Анџелина, се навраќаме на нејзините најдобри изданија од црвениот тепих
Скоро 3 децени елегантната Анџелина Џоли воодушевува на црвениот тепих
Вчера беше роденден на една од, веројатно ќе се согласите, најубавите жени во Холивуд, Анџелина Џоли. Покрај љубовните расправии со поранешниот сопруг, нејзината понекогаш загрижувачки витка става, Анџелина со години ги пополнуваше колумните во медиумите и со својата импресивна хуманитарна работа, но и со нејзиниот беспрекорен моден израз.
Анџелина е позната и како една од најдобро облечените актерки на црвениот тепих, којашто обично избира црни или бели гламурозни фустани од најголемите светски дизајнери. Издвоивме 10 од нашите омилени изданија на Анџелина, секако вклучувајќи го и легендарниот фустан со висок шлиц од Оскарите во 2012 година, со кој таа апсолутно го украде шоуто, но и ги поттикна интернет креативците да си поиграат и објават море од мемиња со десната нога во главната улога.
