Покрената истрага против Харисон Форд: Актерот го управувал авионот и ја пресекол патеката на друг авион!

30 април, 2020
Х

Харисон Форд е под истрага за инцидент во воздушниот простор во близина на аеродромот Хоторн во близина на Лос Анџелес минатата недела, јавуваат странските медиуми. Федералната управа за авијација (FAA) соопшти дека американската филмска ѕвезда управувала со мал авион и по грешка го пресекол патот за слетување на друг авион.

Растојанието помеѓу двата авиони било приближно 1.100 метри и не постоел ризик од судир, се вели во соопштението на FAA.

Харисон преку неговиот адвокат се извинил за грешката и објаснил дека погрешно ги разбрал упатствата за контрола на летот.

Инаку, ова не е прв воздушен инцидент во кој е вклучен Харисон Форд како пилот на приватен авион.