Страшна приказна: Нејзиното поранешно момче лицето и го уништи со киселина! Три години подоцна таа храбро застана пред камерите
Поранешната манекенка и телевизиска водителка Џесика Нотаро (30) привлече внимание во петокот на филмскиот фестивал во Венеција и потсети многумина за шокантното искуство што го имала.
Џесика блескаше во златен фустан на црвениот тепих, а преврската на очите исто така беше во тон со фустанот. Џесика некогаш водеше многу успешен живот и беше една од омилените јавни личности во Италија. Таа беше барана манекенка и се најде во финалето на изборот за Мис на Италија, а работеше и како тренер за делфини во аквариум во нејзиниот роден град Римини и се занимаваше и со танцување и пеење.
И во нејзиниот приватен живот сè одеше одлично и таа беше во среќна врска со Хорхе Едсон Таварес три години. Барем нивната врска изгледаше совршена, а потоа се случи тој кобен 10 јануари 2017 година.
Хорхе, кој во тоа време веќе беше поранешно момче на Џесика, ја нападнал пред нејзиниот дом во Римини. Тој и фрлил киселина во лицето и трајно ја осакатил, уништувајќи и го видот на левото око.
“Сигурно се криеше меѓу другите автомобили затоа што се појави веднаш штом излегов од автомобилот. Ја почувствував пластиката од шишето на лицето и тој сепак ја крена раката за да се осигура дека целата киселина од шишето ќе се истури врз мене. Лицето почна да ми гори и наскоро го изгубив видот. Таа ноќ во болницата се молев да ми ја земат убавината и што и да мораат, само за да ми ги спасат очите, бидејќи тие се огледало на душата “, рече Џесика во емотивната исповед.
Инаку, Џесика и Хорхе се запознаа во аквариумот каде и двајцата работеа и се вљубија. На почетокот, сè беше совршено, беше прекрасен, но потоа стана насилен. Немаше начин манекенката да го напушти, да го прекине контактот со него затоа што тој ја демнеше, а не помогна ниту пријавувањето во полиција.
Тој на почетокот дури тврдеше дека е невин, иако полицијата во неговиот стан пронајде шишиња со киселина. На крајот беше осуден на 15 години затвор за ужасниот напад.