Дали би пробале надградба на нокти со шпагети?
Макарони, пенне, ригатони, равиоли, фусили… Тестенините ги сакаме во сите облици, но сепак некои најмногу сакаат шпагети и тоа заради една необична причина. Креативците не ги чуват шпагетите само на полиците во кујната, туку ги употребуваат на начини за кои веројатно никогаш не сте помислиле дека се возможни.
Во видео кое кружи на ТикТок извесен инфлуенсер внимателно нанесува шпагети на врвовите на ноктите во необична метода за надградба на нокти.
Додека вообичаено надградбата на нокти се состои од лепење делови од акрилна пластика која потоа се прилагодува на големината на ноктот, бизарната метода со тестенини вклучува лепење на шпагети на врвот на природниот нокт во нивната целосна должина.
Потоа шпагетите ги сече во саканата должина, а потоа површината се струга со апарат за полирање на нокти. Остатокот од ноктот го пополнил со акрилен гел, го зацврстил под ЛЕД лампа, а потоа со додатоци му додал драматичен изглед на ноктот.
Шпагетите не се единствените прехранбени производи кои овој инфлуенсер ги користи како бизарни екстензии на нокти. Пробал и со тортиљи и помфрит, а резултатите до некаде биле и успешни.