Дали чувствувате чешање и печење по сексот? Еве кога тоа е нормално, а кога МОРАТЕ да се консултирате со гинеколог

Новите партнери внесуваат среќа во животот и претставуваат промени што треба да го направат вашиот свет поубав. Запознавање, откривање, долги разговори, први состаноци и прв секс се одлична возбуда.

Но, исто така, првиот секс и навикнувањето на нов партнер понекогаш може да бидат малку непријатни. Освен што ментално се навикнувате и се зближувате со нова личност и вагината треба да се навикне на ново. Чешање и печење може да бидат реакции на вашата вагина кон непознато тело. Но, не грижете се, тоа е сосема нормално и нема да трае вечно.

Ваквите реакции се јавуваат затоа што за време на сексот, добрите бактерии во вашата вагина се запознаваат со новите бактерии на вашиот партнер. Сето ова може да доведе до нерамнотежа и промени во pH на вагината. Ако станува збор за партнер, треба да знаете дека се појавува нерамнотежа кога не се користи кондом. Слично на тоа, сексот со партнерка може да предизвика промени кога ќе наидете на бактерии од нејзината вагина и исто така може да доведе до промени во pH вредноста.

Што да се направи?

Пред сè, треба да бидете свесни за фактот дека незаштитениот секс може да доведе до сексуално преносливи болести и инфекции. За време на првиот секс, задолжително користете кондоми и отворено разговарајте со вашиот партнер за претходните сексуални искуства, сексуално преносливи болести и инфекции. Она што дополнително ќе ви помогне да се навикнете на вашиот нов партнер се пробиотиците. Можете да користите пробиотици кои вообичаено ги пиете за здравјето на дигестивниот тракт, а може да купите и пробиотици за вагината. Туширање после секс со природни гелови може да спречи чешање и печење, но никогаш не ставајте гелови дитектно на вагината. Бидете одговорни и не заборавајте за лична хигиена и миење раце.

Кога не е нормално ова?

Како што веќе споменавме, сексот со нови луѓе може да предизвика привремено чешање и печење. Но, ова во никој случај не е нормално ако продолжи и ако чувствувате и гледате промени како што се црвенило, иритација, непријатни мириси и густ, засирен и зеленикаво-сив исцедок. Ако забележите некоја од овие промени, мора да се консултирате со гинеколог.