Дали има некој што ги сака ваквите луѓе? Најверојатно не!

Арогантните луѓе се многу недостапни, арогантни и честопати груби.

Сите знаеме барем една ваква личност, таа може да Ве омаловажува без предупредување и без оглед на контекстот. Таквите луѓе скоро како по правило им зборуваат на другите зад грб.

Зошто воопшто се појавила таква грда особина и зошто опстојува во меѓучовечките односи?

Еволутивното училиште за човечко однесување верува дека има многу начини да се постигне успех во животот. Некои од нив се добри и позитивни, како упорност, свесност, љубезност. Сепак, задоволството не е единствениот начин да се постигне успех. Себичните стратегии носат многу придобивки, но на штета на другите.

А  многу истражувања за еволутивните причини за човековото општествено однесување покажаа дека „темните“ стратегии, кои вклучуваат експлоатација и загрозување на другите, исто така, можат да доведат до успех, без разлика дали ни се доапаѓа тоа или не.

Ароганцијата, со фокус на преголемо чувство за лична вредност, заедно со омаловажување на другите, ги има сите карактеристики на темната стратегија. Не е секогаш лесно да комуницирате со арогантни луѓе, но понекогаш не можете да ги избегнете, па затоа е важно да бидете во можност да се справите со нив.

Треба да знаете дека нивното однесување е вкоренето во ниска самодоверба, голема желба да се пофалат и недостаток на емпатија, пишува „Psychology Today“.

Тие, исто така, споделуваат некои особини и карактеристики со нарцисоидните луѓе, вклучително и верувањето дека тие се единствени и разбрани само од луѓе со висок статус, кои секогаш очекуваат восхит од другите, висок степен на права и недостаток на емпатија.

Нивните ставови и однесување можат да ги налутат и да ги навредуваат другите луѓе, но не мора да им дозволувате на овие луѓе да Ве „спуштаат“ по секоја цена.

Исто така, не секогаш сме во ситуација да избереме со кого ќе работиме, но можеме да поставиме ограничување во комуникацијата. Секогаш можете да кажете: „Би сакал сега да престанеме да зборуваме за тоа“.

Исто како што арогантното лице грубо го „управувало“ целиот разговор, така и грубо може да го прекинете. Арогантните луѓе сакаат да зборуваат и зборуваат, па понекогаш е повеќе од потребно едноставно да се стави крај на разговорот, пред да се претвори во нешто сосема друго.

Арогантните луѓе споделуваат многу карактеристики што се забележани кај насилниците. Тие користат „темни“ стратегии за добивка, честопати на штета на другите.