Дали компирот се замрзнува? Како тоа да го направите правилно?

Професорката Дарија Вранешиќ Бендер ни објасни како правилно да замрзнеме компир и каква е разликата кога тоа го правиме дома и кога тоа се прави за индустриски потреби.

Ако сакате да ги замрзнете компирите, прво излупете ги и измијте ги, па потоа бланширајте ги. Ставете ги во врела вода три до пет минути, а ако ги бланширате целите компири, оставете ги во врела вода десет минути. Ако сакате да замрзнете млади компири со кора, тогаш прво измијте ги добро и исечете ги барем на половина и варете ги.

Кога ќе завршите со бланширањето на компирот, веднаш префрлете го во ладна вода и оставете го онолку долго колку што го варевте. Потоа исцедете го, чувајте го во кеси и ставете го замрзнувачот.Запомнете кој датум сте ги ставиле компирите. Замрзнувањето на компирите на овој начин може да трае до 12 месеци.

Најдобар метод за замрзнување компири

Дарија Врањешиќ Бендер, клинички нутриционист на одделот за клиничка исхрана во Загреб и професор на Факултет за технологија на храна и биотехнологија  во Загреб, ни објасни за важноста на бланширање и разликата помеѓу замрзнување компири (и друга храна) дома и за индустриски потреби.

Како прво, таа спомена дека свежите компири не се препорачуваат да бидат замрзнати и дека не треба да се прави ова затоа што добро чуваните компири на темно и ладно место во оставата или кујната можат да стојат долго време. Но, ако одлучите да гу замрзнете, најпрво треба да ги бланширате.

Ако компирите треба да се замрзнат, тоа обично е во форма на мешавини од зеленчук што бил претходно бланширан и компири за печење или помфрит, кои исто така биле кратко претходно варени пред замрзнување.

Брзото замрзнување ги зачувува хранливите вредности

Замрзнувањето во замрзнувачот дома често се вели дека е исто како и методот на индустриско замрзнување, но разликата е голема.

Процесот на замрзнување вклучува одредена претходна преработка или подготовка на зеленчук, како што се чистење, миење и бланширање. Сепак, како по правило, не може да се каже дека домашното замрзнување на зеленчукот ќе го донесе истиот резултат во смисла на зачувување на квалитетот и хранливата вредност на храната. Индустрискиот метод на замрзнување на храна брзо замрзнува на -18 ° C. За да се постигне ова, храната е изложена, во најкус можен рок, на температури кои можат да се движат од -20 ° C до -40 ° C. Големата брзина на процесот на замрзнување го прави овој метод многу ефикасен, од многу причини – продолжи таа.

Прво, микро-кристали на мраз се создаваат при брзо замрзнување, и тие не ја нарушуваат биолошката структура на храната и ги задржуваат оригиналните квалитативни карактеристики на свежата храна колку што е можно. Понатаму, одржувањето на температурата на -18 ° C  забавува хемиски и ензимски реакции и целосно го спречува развојот на микроорганизми. Се покажа дека содржината на витамини во храната подложена на методот на замрзнување е всушност поголема отколку кај свежата храна која старееше повеќе од 72 часа – ни објасни Бендер Вранешиќ.

Таа  вели дека брзото замрзнување, што е невозможно да се постигне дома, произведува многу мали кристали на мраз кои не ја оштетуваат клеточната структура на храната. Замрзнувањето во замрзнувачот, од друга страна, е многу побавен процес со формирање на големи мраз кристали.

Овие поголеми кристали често предизвикуваат оштетување на клетките и ја нарушуваат текстурата на замрзнатото-  замрзнато месо, риба, овошје или зеленчук. Затоа, кога ја топлите храната што сте ја замрзнале дома, добивате мека и невкусна храна, додека онаа храна замрзнати со методот на брзо замрзнување сè уште  ја задржува цврстата и природна текстура, боја и вкус. Понатаму, методот за брзо замрзнување не бара додавање на какви било конзерванси, природни или вештачки, и не резултира во формирање на штетни нуспроизводи. Притоа, составот на вредни хранливи материи останува практично непроменет – ни рече таа.

Дали вие сакате да замрзнувате храна дома?