ДЕФИНИЦИЈАТА НА БЛИСКИОТ КОНТАКТ СЕ ПРОМЕНИ! Колку долго можете да бидете со некој заразен со коронавирус без да се заразите и вие?

Колку време е потребно за да се заразите ако сте близу некој со коронавирус? За жал, нема магичен број на минути

Центрите за контрола и превенција на болести на САД (ЦДЦ) неодамна ја ревидираа дефиницијата за близок контакт. Претходно, близок контакт се сметаше за лице кое минало најмалку 15 минути на растојание помало од два метра од заразено лице.

Сега тие 15 минути не мора да бидат последователни. Близок контакт се смета за лице кое минало помалку од два метра од заразеното лице минимално 15 минути за 24 часа.

Зошто е променета оваа информација?

Бидејќи еден затворски чувар во Вермонт се покажа позитивен на коронавирусот по повеќе, но кратки контакти со шест асимптоматски затвореници. Во осумчасовната смена, тој имал 22 средби со притвореници вкупно 17 минути.

Дали тоа значи дека сте безбедни ако поминете помалку од вкупно 15 минути во близина на заразено лице? За жал, не мора.

Петнаесет минути е само упатство. „Сакате да дадете широки упатства што лесно се паметат, но тоа е всушност континуитет“, рече Нил Голдстајн, професор по епидемиологија на универзитетот Дрексел во Филапелфија.

Постојат многу варијабли кои влијаат

„Вашиот ризик може да биде помал на подолг рок и поголем на пократок рок. Постојат многу варијабли што влијаат на количината на вирус што некој ја прима, и тоа е всушност најважната работа “, рече Голдстајн.

Покрај времето на изложеност на вирусот, исто така е важно дали заразеното лице има симптоми, дали воопшто ги има или ги има развиено подоцна, дали сте биле на отворено или во затворено, каква била вентилацијата, колку луѓе имало таму .

На пример, ако сте седеле и пееле во подрумот на пријател, наместо тивко да седите во парк, ризикот од заразување за пократко време се зголемува. Дефиницијата за близок контакт не се менува ако сте носеле маски, но тоа не е затоа што тие не се корисни за спречување на инфекција. ЦДЦ маските не се земаат во предвид едноставно затоа што многумина не ги носат правилно.