Која е тајната на Азијатките за совршен тен?

5 јули, 2020
тајна

Азијатките важат за жени кои многу внимаваат на негата на кожата. Една работа која останува со векови незаменлива е оризовата вода.

Оризот е широко распространета намирница која се користи во исхраната, но неговите благотворни дејства на кожата долго биле ексклузивитет само за тоа поднебје. Во оризот се крие тајната на блескавата и здрава кожа.

Некои од корисните својства на оризовата вода за кожата се тоа што го избелува и изедначува тенот, ги смалува проширените пори, го успорува стареењето на кожата, ги намалува или сосема ги отстранува дамките од сонцето како и лузните, ја омекнува кожата, ја хидрира и и ја дава потребната цврстина.

Освен за кожата на лицето, оризовата вода е корисна и за кожата на телото, главата и косата.

Оризовата вода можете да ја направите така што ќе сварите ориз во однос 1/3 (ориз1, вода 3). Оризот гответе го на тивок оган половина час, а потоа оставете го да се олади и процедете ја останатата вода.

Натопете памучни облоги и распространете ги по целото лице и врат и оставете да стојат половина час. Потоа исплакнете со млака вода.