Не ги чувајте овие 7 видови храна во фрижидер повеќе од еден или два дена по подготовката- Во спротивно можат да бидат опасни по живот!!!
Пилешкото е една од најфлексибилните намирници што може да се чуваат на 1001 начин. Но, може да биде и извор на труење…
Некои видови храна брзо се расипуваат, а складирањето во фрижидер само малку го забавува процесот на расипување. Затоа е најдобро оваа храна да ја јадете што е можно поскоро, односно да не ја чувате во фрижидер повеќе од 48 часа по термичката обработка …
1. Ориз
Верувале или не, бактериите кои се непожелни за човечкото тело почнуваат да се формираат во оризот многу брзо по термичката обработка, па затоа е најдобро да ја јадете оваа храна што е можно поскоро, односно не подоцна од 48 часа по готвењето. Откако ќе се излади оризот, чувајте го во фрижидер и доколку е потребно, повторно загрејте го пред јадење.
2. Тестенини
Тестенините „се однесуваат“ многу слично како оризот. Bacillus cereus се формира по готвењето, па затоа најдобро е да се јаде варената количина не подоцна од 48 часа по готвењето или порано. Се разбира, тестенините треба да се чуваат во фрижидер. Ако случајно имате тестенини „надвор“ преку ноќ, фрлете ги.
3. Компири
Ботулизам е труење со токсинот Клостридиум ботулинум, кој најчесто се наоѓа во конзервирана храна и салама. Сепак, откриени се и случаи на присуство на токсини во компирот, особено кај оние печени во алуминиумска фолија. Бидејќи компирот не се препорачува да се загрева, најдобро е веднаш да се зготви количината што планирате да јадете и да не оставате ништо за друг ден.
4. Школки
Школките можат да бидат извор на многу опасности за човечкото тело – од алергии до труење. Најдобро е да се купи овој вид храна од доверливи извори и да се јаде веднаш по уловот. Сурови школки мора да се чуваат во фрижидер најмногу 48 часа пред да станат опасни за човечкото тело, а термички обработените треба да се јадат веднаш.
5. Риба
Рибата што се третира на топлина има малку подолг рок на траење од школките, но кога се става во фрижидер го губи вкусот, текстурата и привлечноста. Затоа, подгответе го само она што можете да го изедете веднаш.
6. Пилешко
Пилешкото е една од најфлексибилните намирници што може да се подготват на 1001 начин. Но, може да биде и извор на труење со салмонела, ако не се третира термички до крај. Говедско месо можете да јадете полупечено, но не и пилешко. Во средината на печеното пилешко, температурата мора да достигне 75 Целзиусови степени.
7. Печурки
Абдоминалните грчеви се чест симптом на конзумирање стари и загреани печурки за јадење. Затоа би било најдобро да ги јадете веднаш по термичката обработка, а најмногу 24 часа по готвењето или печењето, пишува Пункуфер.