Ова е сѐ почеста појава и може да прерасне во сериозна ФОБИЈА! Дали имате страв од СТАРЕЕЊЕ? Не сте единствените!

Современото време сè повеќе го влошува овој проблем

Стравот од стареење не е ништо ново, но се чини дека станува сè поголема преокупација со денешните помлади генерации.

Студија од 2018 година на Кралското друштво за јавно здравје (RSPH) покажа дека милениумците имаат најизразен негативен став кон стареењето, што го сметаат за стрмен пад и се убедени дека деменцијата и осаменоста се неизбежни.

Наративот на социјалните мрежи исто така придонесе многу за ова.

Според непрофитната американска организација „Flawless“, околу 60 проценти од младите веруваат дека социјалните мрежи придонеле тие да се чувствуваат параноични во врска со стареењето.

Исто така, истражувањето на RSPH доведе до кампања за отстранување на терминот „анти-стареење“ од употреба во индустријата за „убавина“, бидејќи создава притисок врз жените да изгледаат помлади и дека на овој начин, тие стареењето го сметаат за нешто со што треба да се борат.

Повеќето од нас се грижат од време на време дека ќе остарат, што не е нешто загрижувачко, но кога таа грижа ќе почне да влијае на вашата психа и ментално здравје, тогаш станува состојба со дијагноза – гераскофобија.

„Оние кои страдаат од гераскофобија честопати размислуваат да го променат својот изглед поради стареењето и дека брзо ќе ја изгубат контролата над своите животи како што стареат. Овие мисли предизвикуваат напади на паника, останување без здив, потење и треперење “, вели д-р Роуз Агдами, психолог.

Таа додава дека ова нарушување може да доведе и до тоа луѓето да започнат да избегнуваат активности што ги потсетуваат на стареење, со што се изолираат и ги намалуваат социјалните контакти.

Гераскофобијата може успешно да се третира со когнитивна бихејвиорална терапија, која им помага на поединците да се воздржат од нивните тешки мисли за стареењето.

За оние кои го немаат овој проблем, но сепак се прилично исплашени затоа што веќе не се во нивните 20-ти, 30-ти или 40-ти и мислат дека полека им „истекува“ времето, советот е да бидат рационални и да размислат за сите работи што ги очекуваат во животот.

Дишете.

Се ќе биде во ред.