Овој генијален трик ќе ви помогне да ја прилагодите заштитната маска на лицето и да ја направите побезбедна за вас и околината
8 септември, 2020
Видео кое објаснува како да се стесни маската за лице и да се прилагоди на лицето стана хит на ТикТок и за кратко време собра повеќе од 5,2 милиони прегледи
Трикот за подобро прилепување на маската за лице ја полуде популарната социјална мрежа ТикТок, а истиот го сподели со јавноста стоматолог, д-р Оливија Куид од Монтреал, кој во кратко видео чекор по чекор објасни како маската за лице да биде побезбедна за вас и вашето опкружување.
Овој едноминутен трик ќе биде особено корисен за луѓето со малку помала глава и децата чии маски честопати им паѓаат, особено сега кога започна учебната година.
Како да ја стесните заштитната маска за лице
- Пред сѐ измијте ги рацете, бидејќи хигиената е половина здравје, особено во ова време на пандемија на болест што погодува се повеќе и повеќе луѓе.
- Преклопете ја маската на половина по должина. Не е важно дали станува збор за хируршка маска за лице што може да се пере или за еднократна употреба.
- Од еластичната лента, врзете јазол на секоја страна од маската. Обидете се да врзете јазол веднаш до маската.
- Отворете ја маската и повлечете ги аглите така што дупките ќе исчезнат. Ако станува збор за маска што може да се пере, веројатно ќе мора да ја прилагодувате секој пат после перење.
- Та-дааа! Вашата маска е подготвена за носење!
Погледнете на видеото како го направи тоа д-р Оливија.