Подмладете ја вашата кожа од глава до пети
Славната Клеопатра е позната како голем фараон од древниот Египет, но и како паметна и моќна жена со мистериозна убавина. Таа не е позната само како голем владетел туку и како жена која имала преубава и негувана кожа како главен адут на нејзината убавина и заводливост.
Според легендите, Клеопатра се капела во магарешко млеко, односно со млечна купка, во која додавала лаванда, мед и ливчиња ружа.
И ден денеска млечните купки се користат за негување на кожата на лицето и телото. Иако на прв поглед изгледа како тренд или купка која дава пријатно естетско доживување, млечната купка има и благотворно дејство на кожата.
Млечната киселина ги чисти и отстранува мртвите келии од кожата, правејќи ја да изгледа помладо и посјајна, а на допир е мека и мазна.
Алфа-хидроксни киселини кои содржат млеко обично се додавваат на хидратантните козметички производи, средства за чистење на кожата, тониците и маските за лице. Оваа киселина посебно делува на намалувањето на брчките и позитивно влијае на исушената кожа. Затоа капењето со млечна купка е природен начин да се негува и подмлади кожата од глава до пети.
Еве како да направите млечна купка како онаа на Клеопатра:
Состојки:
- 2 шољи млеко во прав (козјо, кравјо или магарешко млеко)
- неколку капки етерично масло од лаванда
- 1 шоља морска сол со мирис на ружи
- 1/2 шоља сода бикарбона
- 2 лажички мед
- по желба може и да додадете и млеко од бадем.
Припрема:
Во поголем сад измешајте ги сите состојќи и додадете 1 литар вода. Состојките матете ги додека грутките ги снема. Смесата сипете ја во када и наполнете ја со топла вода. Со рака измешајте ја и по желба додадете листови ружа. Опуштете се и уживајте во нежната купка и заводливиот мирис.
Овој рецепт е флексибилен и може да го прилагодувате според вашите желби, може да се менува изборот на сол, типот на млекото, мирисите и останатите состојки се со цел да добиете пријатно искуство по ваша желба.