Дали ја знаете вистинската температура за миење на вашата облеката?

Експерти од Универзитетот во Лидс, заедно со компанијата за детергент Proctor & Gamble, го истражуваа влијанието на различните начини на миење облека на лабораториските примероци и на вистинската облека, пренесува Дејли Меил. Луси Котон, главниот автор на студијата, вели дека тие се свесни дека таканаречената брза мода има лошо влијание врз животната средина. Тие исто така знаат дека нивните клиенти се жалат дека по некое време облеката го губи оригиналниот изглед, мекост и боја.

Но, сега откриле дека пократки и постудени миења ја штитат облеката и го продолжуваат нејзиниот животен век. Студијата беше спроведена на осум светли кошули и 12 темни кошули за да се види дали бојата ќе пушти.

По 16 миења на 25 ° и 40 ° C, истражувањето покажало дека пократките и поладните миења го намалуваат ослободувањето на бојата, маиците не се растегнуваат и не губат мекост. Овие пократки миења, исто така, создадоа помалку штетни микрофибери што ќе завршат во океаните и околината преку остатокот од водата на машината за перење. Ова истражување може да го спречи загадувањето на животната средина од „невидлива“ пластика во животната средина. Сепак, има добри последици за производителите, овие пократки и поладни миења ја намалуваат енергијата и употребата на водата, а облеката останува „нова“ подолго.