И ЕВТИНО И ЕФИКАСНО ПРОТИВ АКНИ И ФЛЕКИ: Едноставна маска за лице на база на сода бикарбона

30 јули, 2020
Annotation 2020-07-30 093704

Оваа маска за нега на кожата помага во намалувањето на црнките, проблемите со мрсна кожа, мозолчињата, па дури и пигментација.

Маските за лице ги произведуваат скоро сите брендови за убавина. Сепак, тие неизбежно содржат хемикалии кои можат да ја оштетат кожата и да создадат повеќе проблеми.

Но, постои една маска за лице која е без хемикалии. Тоа е маска направена од лимон и сода бикарбона што може да направи чуда за вашата кожа.

Како да ја направите маската?

Сè што ви треба е сок од лимон и сода бикарбона. За да направите маска за лице, измешајте една лажичка сок од лимон со две лажички сода бикарбона. Сода бикарбоната реагира со сокот од лимон и создава пена. Промешајте додека не добиете жолтеникава паста. Користете ја оваа паста со тоа што ќе ја раширите на целото лице и вратот. Обрнете внимание на Т-зоната. Нормално е да почувствувате мало пецкање. Меѓутоа, ако чувствувате посилна чувство на печење на лицето, исплакнете ја смесата веднаш и не обидувајте се повторно. Исто така, маската не треба да се чува повеќе од 15 минути за да се избегне црвенило. Користејќи топла, влажна крпа, избришете ја маската од лицето. Користејќи ладна вода, затворете ги порите и нахранете ја кожата со крем.

Оваа маска за лице можете да ја користите и во комбинација со мед. Додадете една лажичка органски мед, со иста количина сода бикарбона и сок од лимон. Медот е добра природна антибактериска супстанција која помага да се убијат лошите бактерии кои живеат во порите на вашата кожа. Исто така, ја смирува и хидрира кожата.

Сода бикарбоната има малку зрнеста текстура која, кога се нанесуваат на лицето, помага како да сте направиле ексфолијација. Сокот од лимон, богат со лимонска киселина и витамин Ц, го отстранува вишокот на масло од вашата кожа и го чисти лицето. Исто така, ги убива бактериите и ги намалува шансите за инфекции.

Користете ја оваа маска со лимон и сода бикарбона и ќе имате свежа и блескава кожа!